Les renaissances by Philippe Hamon

Auteur:Philippe Hamon
La langue: fra
Format: epub
Tags: Livre d'Histoire
Éditeur: Belin

La croisade justifie l’expédition de 1494

« Comme puis nagueres nostre Saint pere le pape nous ait, par plusieurs ses briefz, escript et fait savoir la grant destrousse et desconfiture faictes par les Infidelles es moys de septembre et fevrier derrenierement passez sur les chrestiens et aussi les grandes et puissantes armees que les diz infidelles font et preparent pour grever le surplus de la chrestienté, en admonestant nous et tous les autres roys et princes chrestiens de nous et eulx employer a y faire resistance de tout nostre povoir et recouvrer les pays et contrees desja par eulx conquises […], ayons declairé et fait savoir nostre intencion a nostre dict Sainct Pere et aus diz roys et princes chrestiens de nous y vouloir emploier de nostre part, comme devot et obedient filz de l’Église. […] Et pour commancer a besoigner, ayons fait et dresser aucuns preparatifs, mises et despenses et, en les dressant, ayons esté conseiller que pour mieulx et plus aisement faire la dicte resistance et conqueste et a moindres fraiz et mises pour l’avenir, nous deussons recouvrer et mectre en nostre obeissance le royaume de Napples qui est assis sur la frontiere des diz infidelles. Lequel royaume fut usurpé a noz predecesseurs de la maison d’Anjou et au moyen desquelz par droit de succession puis nagueres nous est escheu et nous appartient par bon et loyal tiltre, ainsi que avons esté deuement informez et dont en avons lesdiz testamens et autres engagemens envers nous. […]

Par la conqueste duquel royaume qui est de revenu de quinze a seize cens mil livres par an, nostre peuple pourra cy apres estre grandement soullaigé. […] Pour laquelle cause, aussi que, en ce faisant, nous osterons grans nombre de gens d’armes, tant d’ordonnance que autres, hors de nostre dit royaume, qui sera le soullagement de nos diz subjectz et l’obviement de la pillerie, ayons ordonné faire cueillir et lever sur nosdiz subjectz [un supplément de taille. »

Télécharger

Déni de responsabilité:
Ce site ne stocke aucun fichier sur son serveur. Nous ne faisons qu'indexer et lier au contenu fourni par d'autres sites. Veuillez contacter les fournisseurs de contenu pour supprimer le contenu des droits d'auteur, le cas échéant, et nous envoyer un courrier électronique. Nous supprimerons immédiatement les liens ou contenus pertinents.